KWI 125
“Ghafen bʼa ghakondèn!”
-
1. Nsi kondèn, zebe Nsi tsiañde,
Ko ndèn, ke béb ndù bo tèn i.
A kô nefaʼ be bo bwôntù
Mbèn nke ndunde nzi ben njoñ léʼ.
Ba kañ ntù tshob kuʼni nebéb
Mbʼa juʼ mub ndeʼde, ko ndèn mub.
Nsi kondèn, bwôntù, nunetsin,
Num nkwimde ndù be bʼa mbabe.
-
2. Ntù ben beʼ num ba fànnu ben,
Be nke ndeʼde Nsi num lagde,
Tshùaben Yésu Kristô ghaʼ nze
Neleʼde mbètte kondèn Nsi:
“Lagde mfànnu mag, bag labtʼo,
Mba bag num ndagde mi ben ghua”
Là, be kuʼni nekag zwentù,
Njuʼ fide ntù, njuʼ fide ntùn.
-
3. Be ziʼ bo kondèn nenyit bu,
Mba bag bin aʼ ghab ke tô bu.
Bʼaʼ fà ke béb bo nyàmde ben,
Bʼaʼ fà ntsiañde, njwimde fèt ben.
Là, Nsi zʼa num njen mfaʼ ben fa,
Aʼ fà njoñ tshu tsʼa bwoñ wù là.
Nenùn, Ghafen bʼa ghakondèn,
Yaweh kô yub, ndèn yub bo ndén.
(Mbèn ndôde Mat. 6:2-4, 12-14.)