1. Gudemehabuti Heowá,

mabulieidun lumutiwa,

ligía súnwandan lubéi

letenirun woun súngubei.

Lau sun lugundan líchiga

ferudun houn gürigia ha

asakürihaañabaña

dan le afigouhaaña lan.

2. Dan le burí wachararun,

sanditiwa igarigu.

Lun lichugún ferudun woun,

ariñagati Kristu woun:

“Furieibá amuriaha:

‘Ferudun, Núguchi Heowá,

kei níchugun ferudun lun

sun le achararubei nun’”.

3. Basandiruba óunwenbu

ugundani lau bíchugun

houn amu sin bagurabun

lafayeirún ni kata bun.

Dan le gudemehabu ban

houn sun gürigia súnwandan,

lafayeirubei Bungiu bun,

kei le ariha lánibu.