1. Ach Kot a pwapwa, úméúméch,

A úméúméch pún mochenin.

A pwapwa ren ach féfféréch

A awora osupwangach.

Chón aiersefál ra lúkú

Pwe Kot epwe rong ar sié.

A silei pwe kich súsúún pwúl,

A úméúméch me pwúngiéch.

2. Lón ach tipis sa riáfféú,

Sa tingor Kot omusakem,

Jesus a fen áitikich le

Ióteki úméúméchún:

‘Kot omusaaló tipisim,

Aupwe pwal omusa ekkóch.’

Iwe, likitaló ach song,

Me sipwe eáni kinamwe.

3. Atun sa pwári úméúméch,

Sa fang pwe ina mochenich.

’Sap ren ach einga aramas,

Menei chék pwapwaan ach liffang.

Kot a kúna met sa féri,

Epwe efeiéchúkich ren.

Ra pwapwa iir mi úméúméch,

Mwen mesen Kot, iir mi lingéch.