1. Ngaˬ hui ve Gʼuiˬ sha ha kʼaˉ puiˉ,

Loˍ ve awˬ ceuˬ htaꞈ peꞈ laˇ htaˇ,

Chi lehˬ awˬ vuiˬ ceh yawˇ maˇ shawˍ,

Gʼuiˬ sha ha lehˬ ve hkʼaw te ve.

Nyi ma dawˇ hpfuhˆ ve chaw hkʼa peu˗eˬ

Ha kʼaˉ tuˬ lawˬ kʼo, yawˇ na laˇ.

Ngaˬ hui jeꞈ meu˗e hpehꞈ yawˇ tawnˇ gʼa,

Hteˇ cawˇ, nyi ma daꞈ ve Gʼuiˬ sha.

2. Ngaˬ te yaꞈ leh nyi ma luˬ htaˇ,

Venˇ baˆ hpehˇ laˇ tuˬ lawˬ cawˇ ve.

Ha kʼaˉ ve gʼa tuˬ hkʼaˬ hkʼe te,

Yeˍsuˆ ngaˬ hui htaꞈ maˍ laˇ ve.

“Shu venˇ baˆ htaꞈ ngaˬ hui hpehˇ piˇ.

Ngaˬ ve venˇ baˆ htaꞈ htawˇ hpehˇ laˇ˗oˆ.”

Nyi ma zuhˆ ve maˇ cawˬ tcuh kʼo,

Dawˇ sha gawˬ lehˍ cawˬ la tuˬ yoˬ.

3. Ha kʼaˉ puiˉ ve chaw hpehꞈ ve kʼo,

Shu yawˆ yan laˇ ve maˇ heuˆ gaˇ.

Ha lehˬ ve hkʼaw shu htaꞈ ga piˇ,

Nyi ma awˬ tawˬ hkʼa gaˬ te gaˇ.

Gʼuiˬ sha chi hkʼa peu˗eˬ htaꞈ mawˬ ve,

Nawˬ yawˇ ve awˬ bon gʼa tuˬ yoˬ.

Ha kʼaˉ puiˉ ve chaw ha lehˬ gʼa,

Yawˇ mehˆ gʼuˇ suhˍ daꞈ jaˇ ve yoˬ.