LOYEMBO 125
“Esengo na bato ya motema mawa!”
-
1. Nzambe, motema mawa nde,
Ya Ye ya kotindika te.
Alingá kosunga bato,
Yango toz’ozwa biloko.
Mot’oyo atiki mabe,
Asɛng’akolimbisa ye.
Ayebi toza’ mabele,
Akokanga motema te.
-
2. Soki’osali lisumu mpe
Oz’oluk’alimbisa yo,
Landá libondeli’a Kristo,
Mawa, Nzamb’ayokela yo:
“Tata, limbisá nga’ nyongo,
Ndenge naz’olimbisa koo.”
Wana nd’okoyoka kimya,
Motem’ekokita mpenza.
-
3. Soki tokabeli bato,
Tósal’ango na bolingo.
Toboi bákumisa biso,
Likabo nd’epes’esengo.
Yehov’az’omona yango,
Ye nde akofuta biso.
Tóyoka bato mawa mpe
Tokolingama na Nzambe.
(Talá mpe Mat. 6:2-4, 12-14.)