PINA 125
“Tabo ki ya Babanani Sishemo!”
-
1. Mulimu ki yasishemo,
Utabiswa ki sishemo.
Utabela kulutusa,
Mi ulufa zelutokwa.
Utusa bababakile,
Mi ubaswalela libi.
Walushemuba kakuli
Lubupilwe fa liluli.
-
2. Mi haluezize sibi,
Halukupa kuswalelwa,
Jesu naabulezi kuli
Lukupe Mulimu kuli:
“Uluswalele lifoso,
Moluswalela babañwi.”
Mi lukapila mwa kozo,
Halubonisa sishemo.
-
3. Lufe limpo za sishemo,
Mi lubonise bufani.
Halutokwi kulumbiwa;
Lunotabisa babañwi.
Mulimu yabona zote
Uka mifa limbuyoti.
Babanani tabo luli
Ki batu babasishemo.
(Mubale ni Mat. 6:2-4, 12-14.)