1. Pathian hlim chu mi khawngaih thei,

Thinlungah khawngaihna a nei;

A lâwm ngilneihna thiltihte,

Nî tin min pe kan mamawhte;

Inlamlêtte chuan an nei thei,

An au thâwm ngaihthlâksak tiamna;

Khawngaih, zahngaih a lantîr ṭhîn,

Vaivut kan nih a hriat vângin.

2. Bawhchhiat vânga lungngaih hunah,

Kan dîl thei Pathian ngaihdamna;

Lal Krista min zirtîr angin,

Khawngaihna kan dîl ṭawngṭaiin:

“Kan bâte min ngaidam ang che,

Mi dang kan ngaihdam ṭhin ang khân”

Lungngaihna kan nei tawh lo vang,

Rilru muanna kan nei zâwk ang.

3. Khawngaih thilpêk kan pêk hunah,

Kan lantîr ang rilru dik tak;

Kan zawng lo fak leh chawimawina,

Kan nei thilpêka lungawina;

Engkim hmutu kan Pathian chuan,

Min rûl ang kan thilphalnate;

Mi khawngaih thei an eng a thâwl,

Kan Lalpa mit hmuhah an mawi.