YƖƖLL 125
Bark bee nimbãan-zoɛtbã zutu
-
1. A Zeova yaa nimbãan-zoɛta.
A rata nebã fãa neere.
A geta d yell sõma daar fãa,
bala a yaa Wẽnd sẽn nong kũuni.
Ned sã n tek yam sã n kos sugri,
a Zeova zoeta a nimbãan’ga.
A sẽn mi tɩ d yaa tẽng tomã,
a kõta d yel-wẽnã sugri.
-
2. Tõnd sã n maan bũmb n beeg Wẽnnaam,
bɩ d maan wa a Zeezi sẽn yeelã:
D pʋʋs Wẽnnaam n kos sugri,
la d bõos t’a zoe tõnd nimbãan’ga.
La a yeelam’ tɩ d sã n dat sugrã,
bɩ tõnd me kõt d taabã sugri.
Ned sã n beeg tõnd bɩ d bas tɩ loog,
tɩ rẽ nooma tõnd Wẽnnaamã.
-
3. D sã n na n maan ned yel-sõmde,
d gũus tɩ yɩ ne yam-sõngo.
Bɩ d maan rẽnda a Zeova yĩnga,
la d ra bao nebã pẽgr ye.
Dẽ Wẽnnaam sẽn ne bũmb fãa wã
na n dola tõnd wa a sẽn yeelã.
Wẽnnaam nonga nimbãan-zoɛtbã.
A na n ninga bãmb fãa barka.
(Ges-y Mat. 6:2-4, 12-14.)