1. Leza witu uwa nsansa,

Wawa nu luse nkaninye.

Akakunda ukutupa

Vyonsi vino tukalonda.

Swinya akatutetela

Nga ca kuti twalapila.

Watumanya vino twawa,

Ukuti tukaluvyanya.

2. Nga ca kuti twawembuka,

Tungapepa kwe Yehova,

Ukuti, atutetele

Yesu watili muwati:

‘Ututetele, wulyanye,

Vyo tukatetela wanji.’

Fwandi nga tukutetela,

Tulikwata umutende.

3. Nga tukupa wamwi vimwi,

Tukuwalanjizyu luse.

Tukapa nu mwezo wonsi,

Asa kuti tulumbuke.

Apo, tulipocelela,

Icilambu kwe Yehova.

Amuno, wakunda wonsi,

Wano wakwata uluse.