1. Sahakhö tödö Yehowa,

Hewa’ae tenga sinangea.

Lö irai abua gölönia

Wamahowu’ö ya’ita.

Börö wa’omasinia,

I’efa’ö zala niha.

Aboto ba dödönia

Wa lö mo’ahonoa ita.

2. Na no tafalua zala,

Ta’andrö khönia wangefa.

Taheta wa’afatuwu

Ena’ö ohahau dödö.

Ifaha’ö ita Yesu,

Tamane ba wangandröda:

”Efa’ö khöma horöma

Me no ma’efa’ö zala.”

3. Si fao fa’ahakhö dödö,

Datatolo niha bö’ö.

Ta’omusoi’ö dödöra,

Böi tadöna-döna zulö.

I’ila Lowalangida

Fefu zi no tafalua.

Ibe’e howu-howunia

Ba niha sahakhö tödö.