1. Yehova ni wacifundo,

Ndipo ni wokoma mtima.

Iye amasamalila

Zonse zimene tifuna.

Ocimwa ngati alapa,

Amaŵakhululukila.

Cifukwa iye adziŵa

Kuti ‘se ndise ofooka.

2. Tikakhala na cifundo,

M’lungu adzatidalitsa.

Adzatikhululukila

Ise pamene tilakwa.

Yesu anatiphunzitsa

Kufunika kwa cifundo.

Tidzakhala na mtendele,

Ngati timakhululuka.

3. Pamene tipatsa ena

Mphatso zathu za cifundo.

Ise tisadzitamande,

Tikhale odzicepetsa.

Anthu onse acifundo,

Amakhala acimwemwe.

Yehova amaŵakonda,

Iye amaŵadalitsa.