1. Rä Zi Dada de gä mhäte

utkägihu̱ rä nhuekäte.

Di ho dä yꞌo̱tkähu̱ rä ñho

ꞌne nzäntho di sugägihu̱.

De rä fonthai bi hyogähu̱,

hänge ora di fayahu̱

ꞌne di aphu̱ rä mpumbäte,

Näꞌä ma dä huegägihu̱.

2. Mu̱ toꞌo xä ofendegi

ri ꞌñepäbi gä pumbäbi

ꞌne hingä pe̱ꞌspäbi rä kue̱,

ma gä udi rä nhuekäte.

Mä mfeni ꞌne mä koraso

di johya ꞌne xa tsamäñho,

ngeꞌä mä Zi Dada Jeoba

dä za dä punꞌgägi mä thai.

3. Di mädihu̱ mä zi kuhu̱

ko ngatꞌho mä korasohu̱.

Po rängeꞌä di fatsꞌihu̱,

pe hingä de gä tꞌexmänsu.

Jeoba hingä ma dä pumfri

mä mhätehu̱ po yä jäꞌi.

Nuꞌmu̱ di huekihu̱ märꞌaa,

jakägihu̱ gä johyahu̱.