1. God showim mercy and hem kaen,

Hem laek for duim evritaem.

Hem hapi taem hem helpem man

And givim need b’long evriwan.

Man wea repent hem savve sure

For kasem mercy, gud bak moa.

From God hem savve iumi dust,

Hem tingim man and kaen tumas.

2. Taem man hem sin and hem foldaon,

Then ask for help from hem wikdaon.

Christ Jesus showim hao for prea

Long God bilong iumi wea kea:

“Forgivim sin nao plis Dadi,

From mi tu showimaot mercy.”

Then kros b’long iumi bae katdaon,

Bae garem peace and no wikdaon.

3. Taem iumi kaen long narawan,

Mas kam from heart nao bilong man.

Hem no for praise kam long iumi,

Bat hem for man hia bae hapi.

Then God, wea lukluk long datwan,

Bae givim blessing nao long man.

Yes, God tinghae long man wea kaen,

Wea showim mercy evritaem.