125 KAQ CANCION
Ankupäkoq kashun
-
1. Jehovä Diosqa llapantsiktam
alläpa ankupämantsik.
Imëka wananqantsiktam
cada junaq qollämantsik.
Jutsa ruraq këkashqapis,
mañakïnintsiktam wiyan.
Allpapita kanqantsikta
musyarmi perdonamantsik.
-
2. Ima jutsata rurarpis
Jehovä Diosta mañakushun.
Pëqa jutsantsikkunatam
paqwëpa perdonamäshun.
Pipis ofendimashqaqa
perdonëkullänantsikmi.
Ankupäkoqmi kanantsik,
tsëqa kushishqam kawashun.
-
3. Ankupäkoqmi kanantsik.
Pipis pishipakuptinqa,
ankupar imallawampis
llapantsik yanapëkushun.
Ankupäkoq kanantsiktam,
Teytantsik Jehoväqa munan.
Pëqa atska bendiciontam
llapantsikpaq apamunqa.
(Kë textukunatapis rikäri: Mat. 6:2-4, 12-14).