GIĽI 125
„Bachtale hine lačhejileskere“
-
1) O lačhejileskero Del,
hoj les hin jilo, sikavel.
Dikhel, so tuke chibinel,
phundravel o vast, but tut del.
O hrjechos igen meľarel,
o Del tut lestar žužarel.
Hoj prachos sam, mište džanel,
odmukhel chibi, furt kamel.
-
2) Te binos kerďam a rovas
a te pes ko Del modľinas,
jekh veca kampel te kerel,
pal savi Kristus vakerel:
„Keci odmukhen avrenge,
so kerenas dukh tumenge,
ajci miro Dad odmukhel
ajseske, ko les pomangel.“
-
3) Te kames te pomožinel,
hoj ščiro sal te sikavel,
ma ašar tut, so sa diňal,
feder oda ker počoral.
O Jehovas oda dikhel,
rado tut šelvar pale del.
Ha, ča lačhejileskere
pro furt ačhena bachtale!
(Dikh mek Mat. 6:2-4, 12-14.)