ДИЛИ 125
«Бахталэ и милосердни»
-
1. Иегова милосердно Дэл,
Во щедро, лашимос терэл.
Во жызня дэл и праварэл,
Када вся лэсти лош анэн.
Кай ӷрешни всаворэ полэл,
Простий амэн и ашунэл.
Никас о Дэл на ашавэл,
Сар дад амэн во ԥиравэл.
-
2. Сар ӷрехо англа Дэл терас,
Кай тэ простий амэн мангас.
Пэ ԥув Иисусо, кала сля,
Сар тэ мангас во сытярдя:
«Дад, простисар, амэ мангас,
Сар и амэ простисарас».
Амэ холи сар забистрас,
Ашэл вушэро тэ жувас.
-
3. Сар лашимос амэ терас,
Калэса щедрость сыкавас.
Сар лэ ԥралэнди помощь дас,
Амэ нисо на аштярас.
Вся со терас, о Дэл диқэл,
Во вся цэний и на бистрэл.
Ко милосердно, бахтало,
И важ о Дэл во кучутно.
(Дик кадяжэ Матфея 6:2—4, 12—14.)