1. Yéhuwa, Allah nu bagja,

Pohara welas asih-Na.

Mantenna resep masihan

Kabutuh hamba-hamba-Na,

Mikawelas anu tobat,

Ngadangukeun nu sasambat.

Huwa bantu urang pengkuh

Sabab émut urang lebu.

2. Waktu urang keur guligah

Sabab geus dosa ka Allah,

Yésus nunjukkeun carana

Pikeun ménta pangampura:

”Mugi abdi dihapunten,

Abdi gé tos ngahapunten.”

Lamun henteu ngunek-ngunek,

Haté urang bakal tengtrem.

3. Urang masihan bantuan

Ka sasama nu keur susah,

Lain keur meunang pujian,

Tapi hayang batur bagja.

Allah nu maha uninga

Bakal masihan pahala.

Bagja anu welas asih,

Pasti kamanah ku Gusti.