CANCIÓN 125
«Dichoso ni riá stobi»
-
1. Jiobá nga Dios ni riá de iráʼ,
dxandipeʼ riale ni de laa.
Ne ni rididinenu dxi,
nayecheʼ nga rudiibe ni.
Ne binni gaca arrepentir,
ricabi Dios laa ora iníʼ.
Ne cumu nácanu yudé,
nga runi riabe iráʼ xixé.
-
2. Ni maʼ bicheené Dios Jiobá
ne racalaʼdxiʼ guiabe laa,
Jesús bisiidiʼ xi guiníʼ
ti uxhá Jiobá ca donda stiʼ.
Caquiiñeʼ ngaca gúninu
né de guiráʼ ca bíʼchinu,
gutiidiláʼdxinu iráʼ dxi
ti gápanu guendariuudxi.
-
3. Pa gácanu casi Jiobá
ne gacanenu de guiráʼ,
de ladxidoʼno guiale ni
purtiʼ Jiobá zacá rudii.
Ne pa nachaʼhuiʼ gácanu,
zaguíxebe ni gúninu.
Guizáʼ nayecheʼ riuu guiráʼ
ca binni riá casi Jiobá.
(Laaca zanda gúʼndaluʼ Mat. 6:2-4, 12-14).