CHONDII 126
Wa Lahɔl, Sim Yi, Ma Kendu Poŋ
-
1. Wa lahɔl, sim yi, ma kendu,
Nɔ o kɔl le ma biunuŋ.
Hiou lachi a kɔl sikpaa nɔɔ,
Batiuwaa nɔ le hunɔɔ.
Ŋ diikuŋ nyɛ Chiisu dimi wo;
O ba ndɔɔ bɛŋgu naŋ sim yi ni.
(CHƐLƆƆ)
Wa lahɔl, sim yi, ma kendu poŋ!
Hiou lachi haaa mɛɛlulaŋ!
-
2. Wa lahɔl ma wa a taasi,
Lɔɔ lɔɔ toosiaŋ ma diikuŋ.
Wa lahɔl te Chiisu soo pɛ
O buɛi ndɔ sakpoo lo hau.
Bii sila bɛnduaa cho num kioo wo,
Nda cho saa a tonyaa mandaa ni.
(CHƐLƆƆ)
Wa lahɔl, sim yi, ma kendu poŋ!
Hiou lachi haaa mɛɛlulaŋ!
-
3. Wa lahɔl, la wa diompilɛ
Le yooŋgu kɛndɔɔ dimioo.
Yaamɔɔwa ma chɔulaba ndu,
Ŋ mel te haaa mɛɛlulaŋ.
Sɔɔŋguu le ndu dimioo chieeŋndo kpou.
Paale Chɛhowaleŋ le fuuluu!
(CHƐLƆƆ)
Wa lahɔl, sim yi, ma kendu poŋ!
Hiou lachi haaa mɛɛlulaŋ!
(Tofa vɛlɛ Maa. 24:13; Hibu. 13:7, 17; 1 Pitɛ 5:8.)
