Kʼa muiˬ liꞈ 126
Shaw taˍ, yonˍ ve hkʼaw yeˬ chehˇ leh uiˍ la mvuh la˗o
-
1. Shaw taˍ leh yonˍ ve hkʼaw yeˬ chehˇ˗oˆ,
Uiˍ la mvuh la leh yeunˇ hkanˍ.
Haꞈ hanˉ ve hkʼaw nawˬ kanˉ te sheˍ,
Nawˬ gʼaˇ tuˬ yoˬ tehꞈ yonˍ gʼa.
Yeˍsuˆ Hkriꞈ ve tawˇ hkawˇ htaꞈ na yuˬ,
Yawˇ hpawˇ lo ngaˬ hui yeˬ chehˇ ve yoˬ.
(Kʼawꞈ kʼa kuiˬ)
Shaw taˍ leh yonˍ ve hkʼaw yeˬ chehˇ oˆ!
Awˬ leh meuˇ hkʼa gaˬ yeunˇ hkanˍ!
-
2. Hkʼa dehꞈ shaw taˍ leh shaˍ tiꞈ te˗o,
Na yuˬ tuˬ gu hehnˇ cawˇ ve.
Ka tiꞈ yeˬ ve awˬ ceˬ teˇ hpaˍ
Hkriꞈ ve beˆ maˍ hkawˇ hto laˇ.
Chaw mawˇ nawˬ htaꞈ haꞈ shaˉ ve pa taw,
Yawˇ kʼoˆ maˍ laˇ hkawˇ na yuˬ cawˇ ve.
(Kʼawꞈ kʼa kuiˬ)
Shaw taˍ leh yonˍ ve hkʼaw yeˬ chehˇ oˆ!
Awˬ leh meuˇ hkʼa gaˬ yeunˇ hkanˍ!
-
3. Teˇ moˍ tiˉ hpehꞈ tuˬ, shaw taˍ sheˍ.
Daꞈ ve sha tanˇ haꞈ shaˉ mehˍ.
Canˇ paˍ teˇ hpaˍ tawˍ laˇ ve htawˇ,
Awˬ leh meuˇ hkʼa gaˬ hto toˇ.
Mvuhˇ miˬ hkʼa peu˗eˬ lehˬ chiˇ mvuh chehˇ ve.
Yaˬhoˉvaˬ ve awˬ nyi laˬ paˇ neˇ!
(Kʼawꞈ kʼa kuiˬ)
Shaw taˍ leh yonˍ ve hkʼaw yeˬ chehˇ oˆ!
Awˬ leh meuˇ hkʼa gaˬ yeunˇ hkanˍ!
(Maꞈ 24:13; Heˍ 13:7, 17; 1 Peˍ 5:8 kaꞈ nyi sheˍ.)
