KANTIK 126
Tini Ferm, Res lor To Gard, Vinn For
-
1. Tini ferm ek res lor to gard,
Deside pou andire.
Kontign avanse ar kouraz,
Laviktwar to pou gagne.
Bann komannman Zezi nou swiv bien,
Nou pran so par, mars lor so semin.
(REFRIN)
Tini ferm, res lor to gard, vinn for!
Andire ziska lafin!
-
2. Tini ferm ek gard to bon sans,
Toul’tan pre pou ekoute.
Par Zezi Kris ek so esklav,
Zordi les twa ansegne.
Ekout bien bon konsey bann ansien,
Ki protez twa ek pran twa bien swin.
(REFRIN)
Tini ferm, res lor to gard, vinn for!
Andire ziska lafin!
-
3. Tini ferm, prezerv linite,
Ek defann laverite.
Mem si bann lennmi opoze,
Twa to pou kontign prese.
Kriye ansam ar tou bann Temwin:
‘Gete! Zour Zeova li pa lwin!’
(REFRIN)
Tini ferm, res lor to gard, vinn for!
Andire ziska lafin!
(Get osi Mat. 24:13; Ebre 13:7, 17; 1 Pier 5:8.)
