KOPELO 126
Phakgamang, Emang le Tiile, Tiang Matla
-
1. Phakgamang le tie matla,
Ebang le kgotlelelo.
Tšwelang pele ka sebete
Gore le tle le fenye.
Re kwa ditaelo tša Kriste,
Re ema naye ka go tia.
(KHORASE)
Phakgamang, le eme le tiile!
Go fihlela bofelong!
-
2. Phakgamang le beng bohlale,
Ka mehla le theetše.
Latelang tlhahlo ya Kriste
Ka mohlanka wa gagwe.
Ekwang keletšo ya bagolo,
Ke ba ba le šireletšago.
(KHORASE)
Phakgamang, le eme le tiile!
Go fihlela bofelong!
-
3. Phakgamang le beng batee.
Rutang batho therešo.
Le ge batho ba le lwantšha,
Le se ke la tlogela.
Re tumiše Jah re kopane
Ka ge bofelo bo fihlile!
(KHORASE)
Phakgamang, le eme le tiile!
Go fihlela bofelong!
(Bona le Mat. 24:13; Baheb. 13:7, 17; 1 Pet. 5:8.)
