ORIN 126
Wà Lójúfò, Dúró Gbọn-in, Jẹ́ Alágbára
-
1. Wà lójúfò, kó o dúró gbọn-in,
Kó o sì jẹ́ alágbára.
Ó dájú pé a óò ṣẹ́gun,
Lábẹ́ ìdarí Jésù.
A ṣe tán láti pàṣẹ rẹ̀ mọ́
Bá a ti ń bá a lọ láti jagun náà.
(ÈGBÈ)
Dúró gbọn-in, má ṣe yẹsẹ̀ láéláé!
Fara dà á títí dópin!
-
2. Wà lójúfò, kó o máa ṣọ́ra;
Múra láti ṣègbọràn.
Ẹrú olóòótọ́, olóye,
Àwọn alàgbà ìjọ;
Wọ́n ti ṣe tán láti bójú tó
Àwọn àìní wa nípa tẹ̀mí.
(ÈGBÈ)
Dúró gbọn-in, má ṣe yẹsẹ̀ láéláé!
Fara dà á títí dópin!
-
3. Ẹ wà lójúfò níṣọ̀kan;
Máa fìgboyà wàásù lọ,
Báwọn ọ̀tá tilẹ̀ ń gbógun,
A ó wàásù títí dópin.
Máa fayọ̀ sọ ìhìn rere náà,
Ọjọ́ Jèhófà ti fẹ́rẹ̀ẹ́ dé!
(ÈGBÈ)
Dúró gbọn-in, má ṣe yẹsẹ̀ láéláé!
Fara dà á títí dópin!
(Tún wo Mát. 24:13; Héb. 13:7, 17; 1 Pét. 5:8.)
