KÉL 128
Likiitú Tori Sópwólóón
-
1. Paipel me án Kot kewe pwon
Ra elikiitúkich.
Sa aúcheani met sa káé
Ra enlet o lúkúlúk.
Núkúchar chék lón ach lúkú,
Ránin Jiowa a kkan.
Ach sóssót ra álisikich,
Úppós chék lón ach tuppwél.
-
2. ’Sap fang lón ach tongei ach Kot,
Ete apwangapwang.
Likiitú chék fán sóssótuch,
Inaamwo met epwe fis.
’Sap niw o tipemwaramwar
Fán sókkopaten sóssót.
Ach Kot epwe selánikich,
Ach Kot a kkan ngenikich.
-
3. Chón rese fang le likiitú
Repwe kúna manaw.
Iter epwe makkelong lón
Néún Kot we puken manaw.
Achocho lón óm likiitú,
Aunuséchú an angang.
Kopwe kúna án Kot we chen.
Kopwe unusen pwapwa.
(Pwal ppii Ipru 6:19; Jas. 1:4; 2 Pet. 3:12; Pwär. 2:4.)