1. Zoova klo e ti’n,

Ɔ fɛ i Wa’n mannin e

Naan ɔ́ yáci e wun sa tɛ’n,

Ɔ́ cɛ́ e naan y’a wuman.

Sɛ e wla nzuɛn tɛ’n i ase’n,

Ɔ́ yáci e tɛ’n cɛ́ e.

Klist i ti’n e kwla srɛ Ɲanmiɛn

Delɛ m’ɔ deli e’n ti.

2. Sɛ e yaci sa cɛ’n,

Kɛ Zoova fa yo’n sa’n,

Naan e si aunnvuɛ klolɛ su’n,

Ɔ́ yáci e liɛ’n cɛ́ e.

Sɛ e wiengu yo e sa wie’n,

Maan sa sɔ’n ɔ sɔn e nun.

Maan e bu e niaan mun be sran,

Maan e klo be tratra su.

3. Aunnvuɛ silɛ’n ti kpa,

Maan e tu e klun e suan.

I liɛ’n e su tanninman nvlɛ,

Yɛ e su kpɔman sran le.

Zoova y’ɔ ti sran klofuɛ’n niɔn,

Sɛ e sɔnnzɔn i nzuɛn sɔ’n,

É yó kɛ e nglo lɔ’n Siɛ’n sa,

É yáci sran wun sa cɛ́.