KANTIK 130
Aprann pardonnen
-
1. Atraver son Garson,
Bondye in fer li posib
Pour nou pese ganny pardonnen
E lanmor ganny aboli.
Si nou repantir senserman,
I pou donn nou son pardon
Lo non sa enn ki’n pey ranson,
Nou bon Sover Zezi Kri.
-
2. Pour nou ganny pardonnen,
Fodre swiv legzanp Bondye.
Pardonn lezot san gard rankin,
Par montre lanmour senser.
Annou touzour siport lezot,
Fer nou mye pour pa bles zot,
Annan respe pour tou nou frer,
Osi labonte senser.
-
3. Pitye en kalite
Ki nou bezwen devlope.
I pou anpes nou gard rankin,
Ek laenn pour nou lennmi.
Kan nou swiv legzanp Zeova,
Ki annan pli gran lanmour,
Nou pardonn ek tou nou leker,
Ki fer nou resanble li.
(Vwar osi Mat. 6:12; Efe. 4:32; Kol. 3:13.)