1. May munakuywanmi

Jehová Diosqa wawanta

kay pachaman kachamuran

libraykuwananchispaq.

Pesapakusunchis chayqa,

Diosmi perdonawasun,

Cristoraykun thaj kausayta

munakuywan qowasun.

2. Diosman rijch’akusun

perdonaykuq kasqanpi.

Chayta ruwallaqtinchismi

paypas perdonawasun.

Chay jinaqa jujkunapaq

allin kaqta ruwasun.

Manapunin phiñakuyqa

sonqonchispi kananchu.

3. Khuyapayakuqmi,

munakuqmi kananchis.

Ima sintipakuytapas

qonqapusun wiñaypaq.

Jehová Diosqa sumaq sonqon,

manan sintipakuqchu.

Chaymi serviqninkunapas

perdonaykuq kananchis.