KWI 134
Bônkeʼ bʼa ntsiʼ zʼa fe Nsi là
-
1. Ngelañ mandum tùʼ taʼ tà là,
Mba mènnwzi ket kuaʼ mén zʼa be ze là,
Bo ghù taʼ ntsiʼ, nekém mbèn ntshagde,
A ke ndaʼ yub, bàm nelagde.
Yen ntsiʼ là nke mfe à Yaweh Nsi;
Tumnsi ntse yôg, mba tumnsi ntse nkôni.
A num mfà ntag ntùn ba tà boa mà
Ndù bo ghù yôg bo yub tunndà fa.
(DÙʼ NEBWÔGDE)
Ntsiʼ zʼa fe Nsi nseʼ mbe bu o là;
Bʼa yôg tanjoñ zʼoaʼ tomde là.
O kuʼni nenañ mbotni num i;
Be zʼo tswid’é neze ntshùʼ Nsi.
-
2. Njoñ ba nkàn fa tsʼa fe Nsi là
nsi nke mbe ntùm ntù o njoñ ngelañ fa.
Tswidʼé bon tsho, bandum boa bènnzwi;
Tshù faʼ so là, bàm nemiʼ i
Tshob bo ndùsʼo tshwèt nèn nkatte là,
Ndùsʼo nô nsi, mba ndùsʼo lo tù là.
Nguʼnjù aʼ be tôg bo nke nkwimde,
Netswe ntùm bamntù, nkwé mbotni yàm.
(DÙʼ NEBWÔGDE)
Ntsiʼ zʼa fe Nsi nseʼ mbe bu o là;
Bʼa yôg tanjoñ zʼoaʼ tomde là.
O kuʼni nenañ mbotni num i;
Be zʼo tswid’é neze ntshùʼ Nsi.
(Mbèn ndôde Neb. 6:6, 7; Ef. 6:4; 1 Tim. 4:16.)
