PESE 134
Tama‵liki ne Meaalofa Mai te Atua
-
1. Ka isi ne tama‵liki
A se tagata mo tena avaga,
Se meaalofa gali tenā,
Ne aumai ne Ieova.
E tuku ne ia ki mātua;
A fakatakitakiga aoga.
Ke tau‵tali latou ki ei,
Mō te ‵lei o tama‵liki.
(TALI)
Tama‵liki ne meaalofa
Ko tuku ki ou lima.
Ke akoako faka ‵lei;
Ki fakatonuga Ieova.
-
2. Fakatumau i loto—
A fakatonuga a Ieova.
Ke fakaoko atu ne koe;
Ki loto o tama‵liki.
I aso takitasi katoa,
Ke fakamasaua ne koe.
Ke manuia ei latou,
Kae fakamaoni faeloa.
(TALI)
Tama‵liki ne meaalofa
Ko tuku ki ou lima.
Ke akoako faka ‵lei;
Ki fakatonuga Ieova.
(Ke onoono foki ki te Teu. 6:6, 7; Efe. 6:4; 1 Timo. 4:16.)
