KWI 135
Nzi Yaweh Nsi ze tanjoñ: “Nshum àm, be nzenu”
-
1. Nshum àm, mba wù Ngon àm
netshoʼ, yab ntùʼo num àm.
Ndùlà ngakebàn zʼa
tshwèt ntutʼàm nà aʼ yen.
Mbʼo fà ghamde me,
bo neta tsho léʼnjù nshum;
Laʼde mbʼo nke njôg à num tuʼàm,
mbʼo bʼa nshun àm.
(DÙʼ NEBWÔGDE)
Me mbe nshum àm, ngon àm ze tanjoñ
Be nzenu, ngù ntù àm tsiañde,
Loʼ mfiʼ kuaʼ yu tu mbe oaʼ ghamdʼàm,
Mbe oaʼ nyàmdʼàm njoñ ngô ntùʼo fa.
-
2. Tsiañde mbèn ñwade ntùm
faʼ zʼo tshwèt mfaʼ me là,
O faʼde kà bwôg,
mʼaʼ bùʼdʼo bo yàm neta.
Kà lôde mèn zʼa tshwèt
ntattʼo ke tshob nenùn,
Tsiañde nelèn mbe me
ke nsi tsin nekô o.
(DÙʼ NEBWÔGDE)
Me mbe nshum àm, ngon àm ze tanjoñ
Be nzenu, ngù ntù àm tsiañde,
Loʼ mfiʼ kuaʼ yu tu mbe oaʼ ghamdʼàm,
Mbe oaʼ nyàmdʼàm njoñ ngô ntùʼo fa.
(Mbèn ndôde Neb. 6:5; Ekl. 11:9; Esa. 41:13.)
