ចម្រៀងលេខ១៣៥
ពាក្យអង្វររបស់ព្រះយេហូវ៉ា៖«កូនអើយ ចូរមានប្រាជ្ញា»
(សុភាសិត ២៧:១១)
-
១. យុវជនអើយ
ចូរស្រឡាញ់ខ្ញុំអស់ពីចិន្ដា
បង្ហាញសត្រូវដែលនៅតែ
ដៀលខ្ញុំឲ្យឃើញថា
អ្នកបម្រើខ្ញុំស្មោះភក្ដី
ទោះនៅក្មេងកាយា
លោកាឃើញថាអ្នករស់
ដើម្បីខ្ញុំជាបិតា។
(បន្ទរ)
កូនប្រុសសម្លាញ់និងកូនស្រីបវរ
បង្ហាញប្រាជ្ញាឲ្យខ្ញុំត្រេកអរ
ថាអ្នកបម្រើខ្ញុំស្ម័គ្រពីចិន្ដា
ហើយសរសើរខ្ញុំដោយចិត្តស្មោះសរ។
-
២. ចូររីករាយគោរពខ្ញុំ
អស់ពីកម្លាំងចិត្តប្រាណ
បើជំពប់ដួលយ៉ាងណា
ខ្ញុំនឹងលើកអ្នកឡើងបាន
ទោះមាននរណា
នាំឲ្យខកចិត្តឬក្បត់ចិន្ដា
កុំព្រួយឡើយខ្ញុំស្រឡាញ់អ្នក
ហើយការពាររក្សា។
(បន្ទរ)
កូនប្រុសសម្លាញ់និងកូនស្រីបវរ
បង្ហាញប្រាជ្ញាឲ្យខ្ញុំត្រេកអរ
ថាអ្នកបម្រើខ្ញុំស្ម័គ្រពីចិន្ដា
ហើយសរសើរខ្ញុំដោយចិត្តស្មោះសរ៕