BʼIXONEM 135
Jehová kubʼij: «Chatux ajnoʼj, nukʼojol»
(Proverbios 27:11)
-
1. Walkʼwal we kawaj che
qas utz akʼaslemal,
chinapatanij rukʼ
nojel awanimaʼ.
Ri Itzel kretaʼmaj che
qas kinaloqʼoqʼej;
che katkikotik chiʼ
kabʼan nurayibʼal.
(CORO)
Kinkikotik che katniman chwe,
qas utz katchakunik walkʼwal.
Kinkʼam ri abʼe rech kattzaq taj.
Chatux ajnoʼj pa akʼaslemal.
-
2. Katwaj nukʼojol
xuqujeʼ at numiʼal,
naqaj in kʼo wi rech
kinya pixabʼ chawe.
Chakubʼsaj akʼuʼx che
in kwaj katinchajij.
Ri akochʼonik kuya
ri akʼaslemal.
(CORO)
Kinkikotik che katniman chwe,
qas utz katchakunik walkʼwal.
Kinkʼam ri abʼe rech kattzaq taj.
Chatux ajnoʼj pa akʼaslemal.
(Xuqujeʼ chawilaʼ Deut. 6:5; Ecl. 11:9; Is. 41:13).
