IHUAN 136
E Jehova “Gha San” Ima Ẹse Vbe Odẹ Nọkhua
(Rut 2:12)
-
1. Jehova gha rhi’afiangbe ne ’mwa rẹn hia
Ni y’ekhọe hia rhiegbe ladian.
’Rẹn keghi wa rẹn emwi n’iran sẹ rae
Vb’iran ghi yegbe fiohan nẹ.
Nibun wa sẹ ’gbẹe kevb’owa ’gh’iran rae,
Rhun’d’iwinna ọgh’Arriọba.
Sokpan avbe ’tẹn na mwẹ ’fe ọgh’orhiọn
Nọ y’iran ghọghọ vb’ẹghẹ hia.
(KORRỌS)
Jehova ne ’rha mwa gha san ruẹ ’se;
Ẹi khian miami’ ’winna ọghuẹ hiehie.
Ọ wa khẹke nu muẹtin yan rẹn.
Jehova gha t’ẹmwẹ, t’ọ wa vbe muẹn sẹ.
-
2. Ẹgh’okieki’ẹdẹ na keghi wa wegbe;
Agbọn na wa vuọn n’orhikhan.
Isievẹn wa bun n’ima werri’aro daa,
Nọ wa zẹdia yegbe wuẹ ma.
Sokpan Osa mwa n’ima rhi’ugamwẹ na,
Keghi wa rhi’ ’fuẹko n’ima.
Ọ wa vbe loetẹn kevb’orhiọn nọhuanrẹn
Ya rhi’ẹtin kevb’ẹrhiọn n’ima.
(KORRỌS)
Jehova ne ’rha mwa gha san ruẹ ’se;
Ẹi khian miami’ ’winna ọghuẹ hiehie.
Ọ wa khẹke nu muẹtin yan rẹn.
Jehova gha t’ẹmwẹ, t’ọ wa vbe muẹn sẹ.
(Vbe ya ghee Giọg 11:38-40; Aiz 41:10.)
