LAGU 136
Ibereken Jahwe Upah
-
1. Teh Jahwe uga tutusna atendu
I bas ngelayani Ia.
Amin pe la lit kalak si metehsa,
IngetNa pengorbanenndu.
Sanga tadingkenndu keluargandu,
Teklah pasti iteh Jahwe.
BerekenNa ’nterem turang senina,
Ras nggeluh si rasa lalap.
(REFREIN)
Pasti ipasu-pasu Jahwe kam,
BerekenNa upah si mbelinna.
Pasti nge ijaga Jahwe kam,
Setia kap Jahwe i bas janjiNa.
-
2. Sanga adapindu mbue masalah
Si erban kitik ukurndu,
Ertotolah pindo penampat Jahwe
Si banci ngapuli pusuh.
Ibere Jahwe teman si setia
Gelah meriah ukurndu.
Alu Pustaka ras kesah si badia,
Paguh me kinitekenndu.
(REFREIN)
Pasti ipasu-pasu Jahwe kam,
BerekenNa upah si mbelinna.
Pasti nge ijaga Jahwe kam,
Setia kap Jahwe i bas janjiNa.
(Nen ka Hak. 11:38-40; Jes. 41:10.)
