KWI 136
“Ntshoʼfaʼ nelàne” mi a fe Yaweh Nsi là
(Rut 2:12)
-
1. Yaweh zeben Nsi nenùn lèn kuaʼ mebwô
Benntùn bo num ngamdʼé ntù ntshùʼ.
Ndèn mbe moʼ ngelañ yub fiag wut, yub bamntù
Num ntsiañ ngùtni yàm num tu bo.
Be zʼo bi tunndà, mbi shun tsho, mbi baʼ o,
Kà tshàm, Nsi ben lèn kuaʼ mebwô.
Ndonni, aʼ zibtʼo boa fètfèt tse tanjoñ
Mbèn ngù yôg matmat ndùmànyam.
(DÙʼ NEBWÔGDE)
Yaweh Nsi tam ntse num mfaʼ mu mvèl àm.
A fà ntshoʼfaʼ nelàn wù me nshun àm.
Kù nde seʼ ntèt ndàlem tun mbàb mi.
Tà Yaweh Nsi nenùn, num ntshob ntsin num bwe.
-
2. Be bag bin tswe nkwade mbe ngeʼ ntùm yôg ben
Yàm ntshùa ju ze bag bin faʼ là.
Nke ntswe mba ndùse ngùtni num léʼnjù ntshùʼ
Yàm ntôg ju ze be be ket là.
Nsi fidentù tshwèt njen ju zʼa bwoñ wù là;
A Ngajuʼ leʼde, o lène.
Ntshob mi bo ywèt tse, mba fètfèt tse bwôntù
nsi ywimdʼo mbèn mfà fidentù.
(DÙʼ NEBWÔGDE)
Yaweh Nsi tam ntse num mfaʼ mu mvèl àm.
A fà ntshoʼfaʼ nelàn wù me nshun àm.
Kù nde seʼ ntèt ndàlem tun mbàb mi.
Tà Yaweh Nsi nenùn, num ntshob ntsin num bwe.
(Mbèn ndôde Ghasaʼ. 11:38-40; Esa. 41:10.)
