AWIT 136
Dagayang Panalangin Gikan ni Jehova
-
1. Si Jehova nahibalo kon kinsa
Ang nag-alagad kaniya.
Nakita niya ang ilang debosyon
Ug ang sakripisyo nila.
Kon daghang butang imong gitalikdan,
Nakita sa Diyos ang tanan.
Tabangan gyod ta sa Diyos nga Jehova,
Panalanginan ta niya.
(KORO)
Unta gantihan ka ni Jehova,
Dagaya kang panalanginan n’ya.
Himoa s’yang imong dangpanan.
Ang Diyos maunongon kanatong tanan.
-
2. Usahay mobati tang nabug-atan
Niini nga kalibotan.
Usahay makaagom tag problema
Nga daw dili maagwanta.
Ang Diyos sayod sa panginahanglan ta
Busa di ta mabalaka.
Iampo kini sa Diyos nga Jehova,
Mosalig gyod ta kaniya.
(KORO)
Unta gantihan ka ni Jehova,
Dagaya kang panalanginan n’ya.
Himoa s’yang imong dangpanan.
Ang Diyos maunongon kanatong tanan.
(Tan-awa usab ang Maghu. 11:38-40; Isa. 41:10.)
