HAN 136
É “Ni Na Ajɔ Tɔn We, nú É Ni Túnflá”
(Hwliti 2:12)
-
1. Jehovah nyí gbejinɔtɔ́ bo lɛ́ tuùn
Mɛsɛntɔ́ tɔn nugbǒ lɛ bǐ.
É tuùn ɖɔ ye zé yeɖée bǐ jó n’i ɔ,
Nǔ gègě sixu gbɔ ye wu.
A jó xwédo t’we, xɔ́ntɔn t’we lɛ dó ɔ,
Ðeji, Jehovah mɔ ganji.
É na s’axɔ tɔn we gbɔn nɔví lɛ jí,
A na lɛ́ mɔ palaɖisi.
(HANYÍYÍ)
Jah ni sú nǔ’e a wà lɛ é ’xɔ we,
É ni d’ajɔ tɔn we nú é túnflá.
Wǎ hɔn hwla cí awa tɔn lɛ glɔ.
Gbejinɔtɔ́ wɛ n’i, é nɔ ɖɔ nugbǒ.
-
2. Mǐ si’i wá mɔ ɖɔ wuvɛ̌ gbɛmɛ tɔn lɛ
Wá hú agbɔ̌n mǐ bǐ sésé,
Alǒ linkpɔ́n azǎn ɖokpo ɖokpo tɔn
Zɛ nǔwukpikpé mǐtɔn wu.
Jah, gbɔdónúmɛtɔ́ ɔ tuùn hudo t’we;
A tuùn ɖɔ é nɔ sè ɖɛ lɛ.
Xó tɔn, gbigbɔ tɔn, kpodo xɔ́ntɔn lɛ kpo
Na nɔ na akɔnkpinkpan we.
(HANYÍYÍ)
Jah ni sú nǔ’e a wà lɛ é ’xɔ we,
É ni d’ajɔ tɔn we nú é túnflá.
Wǎ hɔn hwla cí awa tɔn lɛ glɔ.
Gbejinɔtɔ́ wɛ n’i, é nɔ ɖɔ nugbǒ.
(Lɛ̌ kpɔ́n Hwɛ. 11:38-40; Eza. 41:10.)
