KANTIK 136
Zeova Donn enn Gran Rekonpans
(Rit 2:12)
-
1. Bondie Zeova konn tou so bann fidel
Ki pe fer tou pou servi Li.
Akoz zot lafwa ek akoz zot gran zel,
Boukou kitsoz zot inn perdi.
Si to’nn kit lakaz, frer, ser, mama, papa,
Li konn bien to bann sakrifis.
Se enn gran fami ki Li pe ofer twa,
Ek biento enn lavi bien ris.
(REFRIN)
Ki Zeova Li avek twa, nou ser!
Ki Li touzour rekonpans twa, nou frer!
Rod enn refiz anba so lezel.
Nou Bondie Li sinser, nou Bondie fidel.
-
2. Parfwa bann traka nou gagne dan lavi
Paret tro dir pou siporte.
Nou santi ki nou nepli kapav tini,
Nou dekouraze, fatige.
Bondie ki donn konsolasion konn twa bien
Ek Li ekout to lapriyer.
Li pou ed twa gras-a Labib, lespri sin,
Ek bann kamarad ki sinser.
(REFRIN)
Ki Zeova Li avek twa, nou ser!
Ki Li touzour rekonpans twa, nou frer!
Rod enn refiz anba so lezel.
Nou Bondie Li sinser, nou Bondie fidel.
(Get osi Ziz 11:38-40; Iza. 41:10.)
