YƖƖLL 136
Keoor sẽn yit a Zeova nengẽ
(Rut 2:12)
-
1. Yãmb sẽn dɩk y mens n kõ y Ba a Zeova wã,
a sũurã nooma ne rẽnda.
A miime tɩ y sak n bõna bũmb wʋsgo,
sẽn na yɩl n maan a raabã.
Yãmb zak-rãmb bɩ y zo-rãmb sã n wa bas yãmba,
bɩ y bãng tɩ Wẽnnaam mii rẽ fãa.
A na n kõ-y-la ba-biis la zo-rãmb wʋsgo,
la vɩɩm dũni-paalgã pʋgẽ.
(REESGO)
Bɩ tõnd Ba-sõng a Zeova yã rẽ fãa,
n keo yãmb y tʋʋm-sõma wã yĩnga.
Bɩ a Zeova sõng yãmb wakat buud fãa.
A Zeova yaa tɩrga. A yaa sɩd soaba.
-
2. Daar ninga, yɛlã tõe n yɩɩga tõnd pãnga,
tɩ d pa mi d sẽn na n maaneg ye.
Sũ-sãams bɩ zu-loees tõe n wa namsda tõndo,
tɩ yaa wa b pa le tar tɩɩm ye.
La bãng t’a Zeova na n kelga f pʋʋseg fãa.
A yaa belseg buud fãa Wẽnnaam.
Ne a vʋʋsem sõngã la saam-biisã sõngre,
a na n kõ-f-la pãng tɩ f tõoge.
(REESGO)
Bɩ tõnd Ba-sõng a Zeova yã rẽ fãa,
n keo yãmb y tʋʋm-sõma wã yĩnga.
Bɩ a Zeova sõng yãmb wakat buud fãa.
A Zeova yaa tɩrga. A yaa sɩd soaba.
(Ges-y Bʋ. 11:38-40; Eza. 41:10.)