گیت نمبر 136
یہوواہ دیوے تینوں پورا اَجر
(رُوت 2:12)
-
1. یہوواہ نئیں ساڈے پیار توں انجان
جانے تیرے میرے حالات
گھر بار چھڈیا، رشتے ناتے چُھٹے
خدا جانے دل دے جذبات
ہر ساہ منیا اساں تیرا فرمان
ہر شے تیرے لئی ہے قربان
امید توں وی ودھ سو گُنا دیویں گا
لے جائیں گا سوہنے جہان
ہاں یہوواہ کرے گا سِر تے چھاں
اوہدے سائے ہیٹھاں لوو پناہ
اوہ دیوے تینوں پورا اَجر
باوفا یہوواہ، رکھدا اوہ خبر
-
2. قہر ساڈے تے جد غماں دا چھاوے
وَگے ہنجوواں دا دریا
بےچینی دے پل سہے جاندے وی نہ
دُکھی دل دی کون سُنے گا؟
پُونجے گا ہنجو چہرے توں یہوواہ
جواب دے کے ہر دُعا دا
سانوں رب دِیاں بانہواں دا سہارا
اوہ تیرا میرا آسرا
ہاں یہوواہ کرے گا سِر تے چھاں
اوہدے سائے ہیٹھاں لوو پناہ
اوہ دیوے تینوں پورا اَجر
باوفا یہوواہ، رکھدا اوہ خبر
(قضاة 11:38-40؛ یسعیاہ 41:10 نُوں وی ویکھو۔)
