KʼAAY 136
Jéeoba ka u boʼot a meyaj
(Rut 2:12)
-
1. Techeʼ a wojel jach u yaabiltmech Dios,
le oʼolal jach chúukaʼan a wóol.
Chéen baʼaleʼ yaan kʼiineʼ yaʼab baʼax ka pʼatik
tiaʼal u béeytal a meyajtik.
Wa yoʼolal Jéeoba náach yaan a kaajaleʼ,
tu táaneʼ jach koʼoj a tojol.
Ma tuʼubsik xaneʼ letiʼ kun boʼotiktech
tuláakal le baʼax ta pʼatoʼ.
(CORO)
Toʼoneʼ sáamsamal k-kʼáatik tiʼ Jéeoba
ku yáantech yéetel yaabilaj mantatsʼ.
Ku boʼot tiʼ teech baʼaxoʼob ta pʼataj.
Ka pʼáatak ta wéetel tuláakla kuxtal.
-
2. Maʼ xaaneʼ ka wuʼuykeʼ jach yaj a kuxtal
tumen yaʼab baʼax beetka muʼyaj.
Kex ka⁀a wuʼuy jach aal le baʼax táan a biskoʼ
ma tuʼubskeʼ yaan u yáantkech Dios.
Letiʼeʼ yaan u nuʼuktikech yéetel u Tʼaan.
U muukʼ ken u tsʼáatech mantatsʼ.
Yaan u tsʼáaik sukuʼunoʼob tiaʼal u yáantkechoʼob
a wil jach u yaabiltmech Dios.
(CORO)
Toʼoneʼ sáamsamal k-kʼáatik tiʼ Jéeoba
ku yáantech yéetel yaabilaj mantatsʼ.
Ku boʼot tiʼ teech baʼaxoʼob ta pʼataj.
Ka pʼáatak ta wéetel tuláakla kuxtal.
(Ilaʼak xan Jue. 11:38-40; Isa. 41:10.)
