CANCIÓN 136
Jiobá uguu ndaayaʼ lii
(Rut 2:12)
-
1. Jiobá qué zusiaandaʼ ni gu’nu’ pur laa,
guiráʼ ni zaguíxebe lii
ne biaʼ ti gayuaa biaje zudii Jiobá
guiráʼ ni guni’tu’ pur laa.
Pa lii gueeda guiaaxhalu’ li’dxu’ pur Dios
ne familia stiuʼ usaana lii,
zapuʼ sti familia ziuu gaxha de lii
ne ti endanabani dxandíʼ.
(ESTRIBILLO)
Pur guiráʼ ni maʼ bi’nu’ pur Jiobá,
stálepe’ ndaayaʼ nga zudiibe lii.
Ne xa’na’ xhiaabe zaguube lii,
Jiobá rapa xpinni ne qué rusiguii.
-
2. Pa stale maʼ biinaluʼ pur yuubaʼ stiuʼ
ne stipa stiluʼ maʼ zirá
pur guendanagana ridi’du’ iráʼ dxi,
poder stiʼ Jiobá nuuné lii.
Lu ti oración gudxi iráʼ ni Jiobá
ne laapeʼ zucaadiaga lii,
zaqueca de Stiidxabe biindaʼ iráʼ dxi,
dxandíʼ zacané cani lii.
(ESTRIBILLO)
Pur guiráʼ ni maʼ bi’nu’ pur Jiobá,
stálepe’ ndaayaʼ nga zudiibe lii.
Ne xa’na’ xhiaabe zaguube lii,
Jiobá rapa xpinni ne qué rusiguii.
(Laaca zanda gú’ndalu’ Juec. 11:38-40; Is. 41:10).