1. Sarah le Esther, Mary, Ruth le a dang—

Thil a ti khomi nu, zumhtlak nupi hna.

Pathian rian an nunnak ah biapi an chiah.

An min in kan hngalhmi zumhtlak nu an si.

Jehovah nih mithmai ṭha a pekmi,

Min ṭial lomi nu dang, zumhtlakmi an um rih.

2. Zumhtlak si, ralṭha, ṭhatnak, dawt-zaangfahnak,

A sunglawi i duh a nungmi ziaza ṭha,

Mah zumhtlakmi nu hna thawngin kan hngalh ṭhan.

Annih cu zohchunhawk a ṭhami an si.

Khrihfa nu hna, an nunning i cawn u,

Na biaknak man a ngei, i lawmhpi na rothil.

3. Nuhmei le nupi, fanu, unaunu hna,

Nan rian cio kha lungtho, thanuam in ṭuan u.

Nunnem tein le lungtak in nawl ngai u,

Pathian mithmai ṭha nan hmu, ṭih a hau lo.

Laksawng hmuh caan a nai, Khrihfa nu hna,

Zumhfeh awk Jehovah nih in bawm ko hna seh.