1. Dhutö, Sadha, Madhi, Ɛstɛ, dhoŋ ˗nu bhë,

˗Wo ˗klu ˗Zlan ˗bha ˗sü ˈwɔnzuan ˗së ˗zɔn ꞊kwɛŋzü.

˗Wo ˗Zlan ˗dhɔ ˗zɔn ˗an ˗bha ˗tosɛta ꞊gban ˈgü.

˗An ˗bha ˗zoyödhe ˗an ˈtɔ ˗së ˗to kwa ˈˈɲaan.

˗A mɛn ˈbhaa ˗nu ˈtɔ ˗yö ˗to ˗bindhe ˈgü,

ˈˈKɛɛ ˗an këwɔn ˗së ˗nu, ˗wo kwa Dë ˗Zlan ˈˈɲaan ˈka.

2. ˈGügbɩɩdhɛ waa ˈˈgblüsë waa ˗towotasü,

ˈYö dhebɔ ˗nu bhë ˈwo˗ ˗zɔn wo ˈˈta ˗kɔ ˈgü.

ˈˈKlʋʋsë ˗nu bhë ˗an ꞊bhlëë ˗yö ꞊va ˗dhɛ ꞊gban ˈgü.

Yi ꞊dhegblüdhe ˗nu ˈö ˈka kletiɛn ˗nu ˈka,

˗Ka ˗gleŋ ˈsü ˗an ˗bha ˗Zlan ˗dhɔkësü ˈgü,

Kö ka ˗bha ˗zoyödhe ˗yö kwa Dë zuʋ̈ˈˈ ˈˈgblü dhi.

3. Gwaanbhadhe, ꞊gɛɛndhe ˗nu, kletiɛn dhoŋ ˗nu ˈˈplɛ,

Kwa Dëmɛn ˗Zlan ˗dhɔkësü ka zuʋ̈ˈˈ ꞊nii ˗da.

˗Klu ˗Zlan ˗bha ˗sü ˗yö ka ˗bha ˗sëdhɛ ˗gɛn ˈka.

˗Zlan ka këwɔn ˗së ˈˈpö bho ka ˗gɔ ˗kplawo.

Yi ˗bhɛɛ kö kwa Dë ˗Zlan ˗yö ka ˗takun,

Kö ˗yö ˈdhuëë˗ ˈkpɔ ka ˗bha, kö ˈka ˈto ˗a ˈˈgbɩɩ˗ ˈka.