1. Sara, Ruth, Ester, Maria, anna Hana—

Maabilidad ira nga attawa.

Passerbi ta Dios importante nira.

Ammu tam ngagadda, matalo ira.

Karuan ari netura ta Biblia,

Iddu gapa ni Jah ta matalo ira.

2. Aya, gutu, sippo, anna kinapia—

Nipasingan na babbay ira tagga.

Makapagayayya i ehemploda.

Ta tiempo tam, i babbay nga gittada,

Matalo gapa kani Jehova.

Parigattam nakuan kualidadda ira.

3. Yena, ana, wagi, atawa, balu,

Malallappo kamu nga mattrabahu.

Napafutuan gapa pakimoraynu.

Si Jehova, iddeddukan nakamu.

Arianna kattaman kikkingnguanu.

I pamendisionna magga malawanu.