1. Saˍraˇ, Iˉsaˍtaˆ, Maˍriˆ, Ruˉhtaˆ, yaˇ miˇ,

Yawˇ hui ka tiꞈ yeˬ jaˇ awˬ miˇ ma hpehꞈ ve.

Gʼuiˬ sha ve kanˉ te ve lehˬ a yeˇ uiˍ jaˇ.

Yawˇ hui ve awˬ meh teˇ hpaˍ ngaˬ hui shiˍ ve.

Awˬ nu ve yaˇ miˇ Gʼuiˬ sha kaꞈ haꞈ ve,

Awˬ meh maˇ bvuhꞈ tcuh taˍ, yonˍ hkʼaˇ hkʼa shuˍ cawˬ ve.

2. Daꞈ ve, haꞈ hanˉ ve, ka tiꞈ yeˬ, ha kʼaˉ ve.

Awˬ liˇ awˬ hkʼaˇ chi htaꞈ teˇ gʼaˇ le cawˬ cawˇ.

Yawˇ hui awˬ lawn hkʼaˬ htaˆ kaꞈ dawˇ nawˇ gaˇ ve,

Ngaˬ hui awˬ pon daꞈ ve henˇ yuˬ tuˬ hpehꞈ ve.

Awˬ viˉ awˬ nyi yaˇ miˇ kaꞈ hkʼa shuˍ yoˬ,

Yawˇ ka tiꞈ yeˬ ve htaꞈ ngaˬ hui gʼaꞈ te gaˇ ve.

3. Awˬ e leh yaˇ miˇ, awˬ miˇ ma, mehˇ chawˇ ma,

Aˬ ma awˬ vuiˬ cawˬ kʼo, hkʼa dehꞈ te ve yoˬ.

Nyi ma awˬ tawˬ hkʼa gaˬ nuˇ nehˬ tehˬ tehˬ yoˬ.

Yaˬhoˉvaˬ nawˬ mawˬ htaˇ, nyi hkʼaˇ suh jaˇ ve.

Gʼuiˬ sha yaˇ miˇ teˇ hpaˍ bon naꞈ laˇ sheˍ.

Nawˬ yonˍ hkʼaˇ uiˍ la leh, laꞈ shawnˍ kaꞈ gʼa tuˬ yoˬ.