1. Sara, Estera, Rut hai vi Maria –

sasle lașe jiuvlea, loialo rromnia.

Slujisarde le Devles sea-l ileia.

But aver jiuvlea pachiamos sicade.

Von sas iubime le Iehovastar

chiar de lenghe ’nava ci sile prinjiande.

2. Cadal jiuvlea den amenghe exemplo.

But lașimos hai tromai von sicade.

Tha ce șucar că vi mașcar amende,

amare cuci pheia sa cadea sile.

Savore te las lengo exemplo

că sile loialo hai sile zurale.

3. Deia, șeia, rromnia, phivlea hai pheia –

von sea o timpo phari buchi cheren.

Sar phiraven-pe, modesto von așen.

Zuriaras-le caște-avel-le but tromai:

„Niciechdata na daran, pheiale!

Anda o Iehova, tume san somnacai!”.