SỌ́L EA GÃ́BUG DÚ 138
Lé Ea Di Ló Gbò E Ba Ni Ána
(Próvẹẹ̀b 16:31)
-
1. Gã́bug bẹẹ gbò tẹ̀ nè kà,
E bà dìí zẹ̀ẹ̀ kĩí.
Ba dóm àbèè va beè ù;
Vaá gbẹẹ áá ọ̀và.
Tẹ̀, ó gá lọ̀l va dẽe sĩ́;
Bé bà láá ĩ̀ìmà.
Bàrì, nè va ból dẽe sĩ́
Bé bà láá emá.
(GE KŨUNE MON ZÌGÀ)
Bẹẹ Tẹ̀, ó gá aa ló
ge kùva dẽe ló.
Zogè va o bùlà;
Kọ ò ténmà va!
-
2. Tṍó e fãà dẽè gbò kànen
Léémá bẹẹ Bàrì.
À dú lé gè kẽ̀è-a boo
Ba dùm mm̀ deè ãa.
Naanii é nveè va ka ló
Vaá nó ba zìgà.
Naa kọọ̀ nyíè Bàrì á ẹẹ
M̀m o deè kànen.
(GE KŨUNE MON ZÌGÀ)
Bẹẹ Tẹ̀, ó gá aa ló
ge kùva dẽe ló.
Zogè va o bùlà;
Kọ ò ténmà va!
(Èb nàgé Ps. 71:9, 18; Pró. 20:29; Máát. 25:21, 23; Lúùk 22:28; 1 Tím. 5:1.)
