ZAJ NKAUJ 138
Ua Neej Laus Yog Mom Yeeb Koob
(Pajlug 16:31)
-
1. Cia peb nco ntsoov txog cov laus,
Lawv yeej hluas ib zaug.
Lawv tuav rawv lawv txoj kev ntseeg,
Txawm lawv yuav tsaug leeg.
Ib txhia tej txij nkawm dua tag,
Tseg lawv rau tom qab.
Yehauvas thov pab cov laus,
Lawv muaj nqis kawg nkaus.
(TXAIS)
Yehauvas, koj nco ntsoov,
Tej lawv ua thawm xyoo.
Thov qhia rau lawv paub tias,
Lawv ua haum koj siab.
-
2. Ua neej laus yog mom yeeb koob,
Rau peb cov laus ntoo.
Lub neej hluas lawv muab rau koj,
Tsis khuv xim ib qho.
Peb yuav tau hwm lawv txhua tus,
Thiab nrog lawv txuas lus.
Cia peb nco txog tej lawv ua,
Thaum lawv haj tseem hluas.
(TXAIS)
Yehauvas, koj nco ntsoov,
Tej lawv ua thawm xyoo.
Thov qhia rau lawv paub tias,
Lawv ua haum koj siab.
(Rho ntawm Pnk. 71:9, 18; Paj. 20:29; Mat. 25:21, 23; Luk. 22:28; 1 Tim. 5:1.)
