HIRA 138
Tsara Tarehy Amin’i Jehovah Ireo Fotsy Volo
-
1. Matokia fa sarobidy
Ianareo be taona;
Tena tia an’i Jehovah,
Miaritra eny foana.
Na dia osa na marary,
Na hoe maty vady...
Ray ô, ’zay ho valisoany,
Asehoy sahady!
(FIVERENANA)
Ny finoany, ry Ray,
Tsy hadinonao.
’Zay nataony hatrizay,
Tena sitrakao!
-
2. Fa fony ianareo tanora,
Nanao fanompoana,
Nanome ’zay tsara indrindra
Ka tsy hohadinoina.
’Zao ’nareo na fotsy volo
Dia tsara tarehy
Amin’i Jehovah Ray,
Tsy mba foiny anie!
(FIVERENANA)
Ny finoany, ry Ray,
Tsy hadinonao.
’Zay nataony hatrizay,
Tena sitrakao!
(Jereo koa ny Sal. 71:9, 18; Ohab. 20:29; Mat. 25:21, 23; Lioka 22:28; 1 Tim. 5:1.)
